ملف شامل لبعض انواع الكيك

كيك الرواني

 المقادير:

 1 كوب جوز هند

 2 كوب دقيق

 3/4 كوب زبدة

 2 بيضة

 1 كوب سكر

 1 كوب لبن

 فانيليا

 بيكنج بودر

 مقادير الشربات:

 2 كوب سكر

، 1 كوب ماء

 عصير ليمونة،

 طريقه التحضير🏵

 1- يتم عمل الشربات أولا وذلك بإضافة السكر للماء ووضعه على النار وتقليبه حتى يذوب السكر ثم تركه حتى يغلي ثم تضاف عصير الليمونة  ثم يترك يغلي لدقيقة ثم يرفع من على النار ويترك ليبرد تماما

. 2- يخفق الزبد مع السكر في الكيتشن ماشين ثم يضاف اللبن والبيض والفانيليا.

 3- يضاف الدقيق لثلاثة أرباع كمية جوز الهند ويضاف لهما البودر ثم يضاف إليهم الخليط السابق يقلب جيدا حتى تمام التجانس.

 1- يصب الخليط السابق في صينية مبطنة بالزبد والدقيق ثم توضع في الفرن لدرجة حرارة عالية لمدة 15 دقيقة ثم تقلل درجة الحرارة ل180 درجة لمدة 30 : 45 دقيقة وتختبر الكيكة كما في طريقة عمل كيكة البراوني

. 2- فور خروجها من الفرن يتم عمل خروم بالشوكة على سطحها ثم يصب الشربات عليها وتترك لتبرد وقبل تقطيعها يرش جوز الهند المتبقي على سطحها. ملاحظات: يجب تسخين الفرن قبل البدء بعمل التحضير ولا يجب فتحه _ بعد وضع الكيكة _ قبل مرور 30 دقيقة. يمكن زيادة كمية الشربات حسب الرغبة.

بالهنا بالهنا 🏵

 كيك البرتقال

المقادير:

 3 بيضات كبيره

 150جم سمن= 1كوب الا ربع

 125 جم سكر= نصف كوب ومعلقه كبيره

 350دقيق= 2كوب

 1بشر برتقال

 200عصير برتقال= 1كوب

 1باكو بيكنج بودر

ذره ملح

 ذره فانيليا

الطريقه🌹

 نضرب البيض مع السكر والفانيليا واسمن وعصير البرتقال وبشر البرتقال وكيس الكيك شيف ثم الدقيق ونضربهم مع بعض كويس اوى حتى تكون العجينه متماسكه طريقه تم نجيب صينيه وندهنها سمن ونرش فيها شويه دقيق ونصب فيها الكيك وتدخل الفرن على نار متوسطه لمدة 25 دقيقه ولما تبرد تقطعها وتقدم وبالف هنا وشفا 🌹

مافن كيك

 المقادير💐

 350جرام دقيق =2 كوب دقيق

 180 جرام سكر بدره =1كوب سكر بودرة

 50 جرام زيت = ربع كوب زيت ذرة

 50 جرام لبن = 2معلقه كبيره لبن بودره

 15 جرام بيكنج بودر = كيس بيكنج بودر

 ربع ملعقةصغيره فانيليا

 2 بيضات كبيره

 ذرة ملح صغير

 الطريقة💐

 الخلاط ونضع به الزيت والسكر مع البيض والبن والفانيليا والملح ونقوم بضربهم مدة 5 دقائق، ثم نضيف هذا الخليط على الدقيق والبيكنج بودر مع التقليب في اتجاه واحد، ثم نصب الخليط في قوالب الكب كيك بحيث نضع في كل واحدة ثلاثة أرباع عجين وسيزيد في الفرن، ويجب تسخين الفرن من قبلها على درجة حرارة 160 ونضع الكيك لمدة 25 دقيقة.

بالف هنا

كب كيك التوفى

مقادير🍇

 200 جرام زبدة=1كوب

 350 جرام سكربدره =2كوب إلا ربع

 2 بيضه=كبيره

 5 جرام فانيليا=نصف معلقه صغيره

 5 جرام ملح=نصف معلقه صغيره

 250 جرام  لبن=1كوب وربع

 750 جرام دقيق=3/4 كيلو =5كوب

 25 جرام بيكنج بودر=1معلقه كبيره

 25 جرام بشربرتقال =1معلقه كبيره

مقادير الصوص التوفى

 200 جرام سكر بنى =1كوب

 50 جرام ماء=2معلقه كبيره

 100 جرام كريمه طهى=نصف كوب

 25 جم زبدة=1معلقه كبيره

  الطريقه تحضير🍇

-فى المضرب او العجن  نضيف الزبدة والسكرونخفقهم مع بعض لحد ما يكون الخليط كريمى

 -فى بوله نخلط البيض والفانيليا وملح ونضيفهم على الخليط السابق ونضيف اللبن مع الخفق المستمر

 فى بوله نخلط الدقيق وبيكنج بودر وبشر برتقال ونضيفهم على الخليط السابق ونخفقهم مع بعض كويس

 -فى اناء على النار نضع سكر بنى وملح ونسيبها تعمل كراميل ونرفعها من على النار ونضيف زبدة وكريمه طهى ونخفقهم مع بعض

 -فى قوالب الكب كيك نصب الخليط

 تدحل القوالب فى الفرن على نار متوسطة او على درجه حراره  180 درجه لمدة 25 دقيقه لازم نسخن الفرن قبل الاستعمال

  ولمه الكب كيك يبرد نزينه بصوص الكراميل

 وتقدم

وبالف هنا وشفا🍇

كب كيك الكنافة

 المقادير⚘

½ كيلو كنافة

 ½ كوب سمن

¼ كوب سكر بودرة

مكسرات

 الشربات

 2 كوب سكر

 1 كوب ماء

قطرات من الليمون

الطريقة⚘

 نفرك الكنافة جيدا مع نصف مقدار السمن و ¼ كوب السكر

 حتى تتشبع الكنافه بالسمن جيدا نضع سمن بقاع قوالب الكب

 كيك ثم نضع مقدار من عجينة الكنافة و نضغط عليها جيدا نضع

 المكسرات و نغطي بمقدار من الكنافة نضع الكنافة فى الفرن

 على درجة حرارة 220 لمدة 10 دقائق تقريبا أو حتى تحمر

 من الجوانب حتى تحمر تسقى الكنافة و هي ساخنه بالشربات

 البارد و تزين بالفستق

بالهناوالشفا ⚘

كب كيك اوريو

المقادير🍓

 1 باكو بسكويت شيكولاته بودرة

 50 جم شيكولاته دروبس=2معلقه كبيره

 50 جم كاكاو بودرة=2معلقه كبيره

 200 مل ماء دافئ=1كوب

 200 جم دقيق=1كوب وتلت

 200 جم سكر=1كوب

 150 مل زيت=1كوب إلا ربع

 2 بيضه= كبيره

 5 جم ملح=نصف معلقه صغيره

 5 جم فانيليا=نصف معلقه صغيره

 5 جم بيكنج بودر=نصف معلقه صغيره

 10 جم خل تفاح =1معلقه صغيره

طريقه تحضير🍓

 فى الميكسر نضيف زيت وسكر وفانيليا وبيض وملح وخل تفاح وماء دافئ ونخفقهم مع بعض كويس

 فى بوله نخلط الدقيق وبيكنج بودر وبسكويت شيكولاته وشيكولاته دروبس وكاكاو بودرة ونخلطهم مع بعض ونضيفهم على الخليط السابق حتى تجانس الخليط وفى قوالب الكب كيك نصب الخليط

 وندخل القوالب فى الفرن على نار متوسطة او درجه حراره  180 درجه لمدة 25 دقيقه

 6-لمه الكب كيك يبرد نزينها بكريمه مخفوقه ونضع عليها قطع بسكويت اوريو

 وتقدم وبالف هنا 🍓

انجليش كيك بالزبيب

المقادير🍨

 4 بيضات= كبيره

 200 جرام سكر=1كوب

 5 جرام ملح=نصف معلقه صغيره

 5 جرام فانيليا=نصف معلقه صغيره

 200 جرام  زيت= 1كوب

 200 جرام دقيق=1كوب وتلت

 10 جرام بيكينج بودر=نصف معلقه كبيره

 100 جرام زبيب =نصف كوب

طريقه التحضير🍨

 فى المضرب  نخفق بيض وملح وفانيليا وسكر ونخفقهم مع بعض كويس لحد ما يكون الخليط كريمى ونضيف زيت ونخفقهم مع بعض كويس فى بوله نخلط دقيق مع بيكينج بودر وزبيب ونضيفهم على الخليط السابق ونخفقهم مع بعض حتى تجانس الخليط ونجيب قالب كيك وندهنه سمن ونبطنه دقيق ونصب فى الانجليش كيك

 - وندخل قالب الكيك الفرن على نار متوسطه او درجه حراره  180 درجه لمدة 25 دقيقه ( وتبرد خالص ونقطعها شرائح)

 وفى طبق التقديم نرص الانجليش كيك

 -وتقدم وبالف هنا وشفا🍨

 كب كيك قرفه

المقادير🌹

5  بيضآت = كبيره

250 جرام سكر بودره= 4/1 كيلو

100 جرام  زيت درة= نصف كوب

1 باكو فانيليا

300 جرام دقيق=2كوب

نصف باكو  بيكنج بود

10 جرام قرفه= 1معلقه صغيره

     مقادير ا لديكور فوق كب الكيك

250 جرام زبدة=4/1 كيلو

250 جرام سكر بودرة=4/1 كيلو

10 جرام قرفه= 1معلقه صغيره

100 جرام كريم تشيز= نصف كوب

طريقه تحضير 🌹

-فى الخلاط نضع البيض والفانيليا والسكر ونضربهم مع بعض كويس ونضع ذرة ملح

- ونضع الزيت ونضربهم مع بعض كويس

-وفى بوله نخلط كل من الدقيق والبيكنج بودروالقرفه4- ثم نضع الخليط الاول على الخليط التانى

- ونجيب قوالب الكب كيك ونصب فى الخليط

وندخله الفرن على 180 درجه لمدة 30 دقيقه

-للعمل الديكور وفى الخلاط نضع كل من الزبدة والكريم تشيز والقرفه والسكر ونضربهم  كلهم مع بعض لحد ما يكون كريمى

- نضع الكريم فى كيس الكريم ونزينه بيها الكب كيك بعد ما يبرد

 ويقدم وبالف هنا وشفا🌹

كب كيك بالفواكه المجففه

المقادير🍒

 2 كوب دقيق

 1 كوب لبن

 1 كوب سكر

 3 بيضات

 1\2 كوب زبدة

 2 ملعقه كيك شيف او بيكنج بودر

 فواكه مجففه

بشر برتقال

 فانيليا

الطريقه🍒

 1- نضرب السكر والبيض والفانيليا لحد مايتمزجوا مع بعض 2-ثم نضع بشر برتقال واللبن ونخفقهم مع بعض ثم نضيف الدقيق وكيك شيف او بيكنج بودر

 3-ونضيف الفواكه المجففه ونخفقهم مع بعض كويس

 4- ونجيب قوالب الكب كيك ونصب فيها الحليط

 5- وندخلها الفرن على 180 درجه لمدة 25 دقيقه

 6- ويقدم

وبالف هنا وشفا🍒

 كب كيك

 مقادير 💐

 10 عدد بيض=كبيره

 500 جرام  سكر=2كوب ونصف

 200 جرام  زيت دره= 1كوب

 5 جرام  فانيليا=نصف معلقه صغيره

 5 جرام  ملح= نصف معلقه صغيره

600 جرام  دقيق=4 كوب

 50 جرام  لبن بودره=2معلقه كبيره

 1 باكو بيكنج بودر =15 جرام

للديكور على الوجه

 400 جرام  كريم شانتيه=3كوب إلا ربع

 1 لتر ماء مثلج= 5 كوب

 5 جرام لون احمر غذائى=نصف معلقه صغيره

 5 جرام لون اخضر غذائى= نصف معلقه صغيره

 طريقه التحضير 💐

فى المضرب  نضع السكر والبيض والفانيليا وملح ونخفقهم مع بعض ثم نضع الزيت ونخفقهم اوى مع بعض فى بوله نضع الدقيق والبيكنج بودر ونقلبهم مع بعض 4-ثم نضع الدقيق مع الخليط السابق ونضربهم مع بعض ثم نضع اللبن ونخفقهم مع بعض ونجيب قوالب الكبك كيك وندهنها سمن ونصب فيها الخليط وندخلها الفرن على على درجه حراره متوسطه او على  180 درجه لمدة 30 دقيقه(مطبخ زمان)

 طريقه عمل الكريم شانتيه (مطبخ زمان)

 الكريم شانيته فى المضرب الكهربائى نضع الماء المثلج ونضربهم مع بعض لحد ما نحصل على كريم شانتيه

  ونضع الكريمه شانيته فى كيس الحلوانى ويكون الكب كيك برد ونضع الكريم شانيه نضع فى اللون الغذائى ونزين بى الكيك كيك

 ويقدم

 بالف هنا وشفااا💐

 انجليش كيك التوفى

  المقادير💮

 4 بيضات=كبيره

 200 جرا م سكر=1كوب

 5 جرام ملح=نصف معلقه صغيره

 5 جرام فانيليا= نصف معلقه صغير

 200 جرام  زيت=1كوب

 200 جم دقيق=1كوب وتلت

 10 جم بيكينج بودر=نصف معلقه كبيره

 مقادير التوفى(مطبخ زمان)

 100 جرام عجوة=نصف كوب

 200 جرام  ماء مغلى=1كوب

 5 جرا م بيكربونات=نصف معلقه صغيره

 طريقه التحضير💮(مطبخ زمام)

 فى اناء على النار فيها ماء مغلى نضيف البلح وبيكربونات الصوديوم ونسيبها يستوى لحد ما يعمل معجون بلح ونضرب البلح فى الخلاط

 فى المضرب  نخفق بيض وملح وفانيليا وسكر ونخفقهم مع بعض كويس لحد ما يكون الخليط كريمى ونضيف زيت ونخفقهم مع بعض كويس

 -فى بوله نخلط دقيق مع بيكينج بودرونضيفهم على الخليط السابق ونضيف عليهم خليط البلح ونخفقهم مع بعض حتى تجانس الخليط

 -ونجيب قالب كيك وندهنه سمن ونبطنها دقيق ونصب فى الانجليش كيك

 - وندخل قالب الكيك الفرن على نار متوسطه او درجه حراره  180 درجه لمدة 40 دقيقه ( وتبرد خالص ونقطعها شرائح) - وفى طبق التقديم نرص الانجليش كيك التوفى

 وتقدم

كيك الباباز

المقادير🍇

 2معلقه كبيره سكر

 1معلقه صغيره ملح

1كوب ماء

 1معلقه كبيره خميره

 4بيضات

فانلي

ا 3كوب الا ربع دقيق

 1/2 كوب سمنه سايحه بارده

 الشربات🍇

 1 كيلو ماء لتر

 3/4كيلو سكر

 1 عود قرفة

 1شرائح برتقال

 1شرائح ليمون

 1عصير برتقال

 1عصير ليمون

 للتزيين: كريم شانتيه- فراولة – كريم بستري 🍇

او اى قطعه فاكهه

طريقه التحضير🍇

 نضرب البيض مع السكر مع الملح مع الفانليا ثم بعد الخفض نضع الدقيق والخميره ولاخر نضع السمنه السايحه البارده ثم بعد العجن نحضر فرم الباباز او فرم الكب كيك وندهنها بماده دهنيه ثم نصب فيها الخليط ونترك الباباز فى مكان دافى يختمر ثم بعد الخمر يدخل الفرن على نار هاديه وبعد خروج من الفرن يسقى بالشربات الساخن ثم بعد ذلك يتزين بى كريم شانتيه او كريم باسترى ويخد من فوق اى قطعه فاكهه وبالف هنا 🍇

الكيك العادى او كيك الخلاط

 المقادير⚘(مطبخ زمان)

 375جرام دقيق=2كوب ونصف دقيق

 200جرام سكر = 1كوب سكر

 150جرام زبده =كوب الا ربع زبدة

 200جرام لبن=1كوب لبن

 5بيضات

 1 ملعقة بيكنج بودر

 1 ملعقة فانليا

 ذرة ملح

 طريقة التحضير⚘

يوضع فى الخلاط اللبن والزبدة والفانليا والسكر ويضرب الخليط حتى ذوبان السكر يضاف البيض بيضة بيضة اثناء الخلط يوضع البيكنج بودر على الدقيق فى وعاء وعندما يتجانس الخليط يضاف الية الدقيق اثناء الخلط ايضا يضاف الى الخليط ذرة صغيرة من الملح ويخلط فى الخلاط حتى تمام التجانس نأتى بصنية وندهنا زيت ثم نضع الخليط فيها ثم نضعة فى الفرن على نار متوسطه ثم تقدم فى طبق التقديم ويمكن ان نضع عليها سكر بودر او كاكاو للتزين وبالهنا والشفا. ⚘

البسيسه 

مقادير🏵

 3 بيضات

 200 جرام سكر = 1كوب

 5 جرام فانيليا=نصف معلقه صغيره

 5 جرام ملح= نصف معلقه صغيره

 100 جرام سمن سايحه= 2/1 كوب

 50 جرام زيت= 4/1 كوب

 100 جرام دقيق ذره اصفر= 2/1 كوب

 100 جرام دقيق ذره ابيض= 2/1 كوب

 5 جرام بيكينج بورد= 1 معلقه صغيره

 طريقه التحضير🏵

1-فى المضرب  نخفق بيض وسكر حتى الحصول على خليط كريمى ونضيف ملح وفانيليا ونخفقهم مع بعض حتى تجانس الخليط

 ونضيف سمن وزيت ونخلط الخليط كله مع بعض كويس حتى تجانس الخليط سويا

 فى بوله نخلط دقيق ابيض مع دقيق اصفر وبيكينج بودر ونقلبهم مع بعض ونضيفهم على الخليط السابق ونخفقهم مع بعض كويس

 وفى صينيه مدهونه سمن نصب الخليط ونسوى كويس فى الصينيه(مطبخ زمان)

- وندخل البسيسه الفرن على نار متوسطة او درجه حراره  180 درجه لمدة 25 دقيقه

ولمه تبرد نرش عليها جوز الهند وتقدم

 بالهنا والشفا 🏵

 قدرة قادر

مقادير الكيك

3 بيضات

150 جرام سكر= 3/4  كوب

5 جرام ملح= نصف معلقه صغيره

5 جرام فانيليا= نصف معلقه صغيره

100 جرام زيت=2/1 كوب

100 جرام ماء=2/1 كوب

150 جرام دقيق=1كوب

15 جرام كاكاو= 1معلقه كبيره

10 جرام بيكينج بودر= 2/1 معلقه كبيره

الكريم كراميل

150 جرام سكر= 3/4 كوب

50 جرام ماء= 2معلقه كبيره

2\1 كيلو لبن= 2كوب ونصف

3 بيضات

125 جرام سكر=2/1 كوب و 1معلقه كبيره

5 جرام ملح= نصف معلقه صغيره

5 جرام فانيليا= نصف معلقه صغيره

 طريقه تحضير🌹

-فى اناء نضع السكر والماء ونسيبه على النار يعمل كراميل غامق

-فى اناء نضع اللبن يغلى على النار

-وفى بوله نضع البيض والاصفر بيض وسكر وفانيليا ونقلبهم مع بعض كويس ونضيفهم على اللبن المغلى

- ونقلبهم مع بعض لعمل صوص ثقيل شويه5-فى الخلاط نضيف السكر والسمن والبيض والفانيليا ونضربهم مع بعض كويس

- ونضيف الدقيق والملح والبيكنج بودروالكاكاو ونضرب كل الخليط مع بعض حتى تجانس الخليط

-وفى قوالب الكيك نصب الكراميل ثم الصوص ثم الكيك

 ونجيب صينيه ونصب فيها ماء مغلى ونضع فى القوالب

-وندخلها الفرن على 180 درجه لمدة 25 دقيقه

-ويقدم بالهنااا🌹

كيكه بوبس الفانيليا

المقادير💮

4/1 كيلو  كيكه فانيليا مفرومه

50 جرام سودانى =2معلقه كبيره

50 جرام مربى مشمش=2معلقه كبيره

50 جرام كريز قطع=2معلقه كبيره

50 جرام كريمه الزبدة=2معلقه كبيره

1 ملعقه شربات  ثقيل

10 عيدان شيش

شيكولاته سادة سايحه باردة

شيكولاته بيضاء سايحه باردة

فارماسيل الوان

 طريقه التحضير💮

فى الكبه نضيف كيكه فانيليا مفرومه وسودانى ومربى وكريز وكريمه وسيرب ونخفقهم مع بعض كويس حتى تجانس الخليط 

 وفى بوله نضع عجينه الكيكه وندخلها الثلاجه لمدة ساعه

 ونشكل العجينه كورات ونضعها على عيدان شيش وندخلها الثلاجه لمدة ساعه

- وفى بوله فيها شيكولاته سادة او بيضاء سايحه نغمرعيدان الكيكه ونضعها فى فارماسيل

-ونداخل عيدان الكيكه الثلاجه لمدة ساعه

 وبالهنا والشفا